Albisteak Argitalpenak Estekak Hiztegia Twitter

Hiztegia

Berbia

Eskribidu billau nahi dan berbia. Erabili * ordezko moduan. Esaterako: era* (era-z hasten diran berbak agertuko dira). Edo *era (era-z amaitzen diran berbak agertuko dira). Eremu guztietan klikatu ezkero, atal guztietan billauko da berbia (adibidietan, jakingarrixetan...).  Zehaztasun gehixago nahi ezkero billaketa aurreratua erabili.

Albisteak

BAGA-BIGA-HIGA, MIKEL MARKEZ ETA EÑAUT ELORRIETA EIBARKO IKASLEEKIN SOLASEAN

Bihar, apirilak 24, 11:00etan hasi eta 14:30 bitartean, Eñaut Elorrieta eta Mikel Markez Coliseoan izango dira BAGA- BIGA- HIGA emanaldia DBH eta Batxilerreko ikasleei eskaintzen.

BAGA-BIGA-HIGA egitasmoak transmisioa du xede, hain zuzen ere, euskal musikagintzaren historia, erreferenteak eta zaletasuna sustatzeko proiektua aurkeztuko dute Eibarko ikastetxeetako DBH 3 eta 4, eta Batxilerreko ikasleen aurrean.

Lehenego saioa goizeko 11etan izango da eta ordu eta erdi inguruko iraupena izango du; bigarren saioa 13:00etan hasi eta 14:30 inguruan bukatuko da.

KAZETARITZA DA XI. JUAN SAN MARTIN BEKAREN BIDEZ LANDUKO DEN ESPARRUA

Eibarko Udalak UEUrekin lankidetzan Juan San Martin bekaren XI. edizioa kaleratu du.

Bekara aurkezteko epea 2013ko irailaren 2an hasi eta urriaren 11n bukatuko da. 

Oinarriak erantsita daude.

Deialdi honetan parte hartzeak oinarri horiek onartzea dakar.

RUPER ORDORIKA COLISEOAN

Apirilaren 26an, Coliseoan izango da Ruper Ordorika bere azken diska, Hodeien azpian, aurkezten.

Emanaldia 20:30ean izango da eta sarrerak 10€an daude salgai.

Diska hau New Yorken grabatu du eta Elkar dikoetxeak kaleratu du. Kontzertu honetan bere musika naturalaren eta arinaren zati handi bat eskainiko du, naturarekin erlazionatutako hurbileko poesiaz eta metaforaz josita, eta, beti ere, folkaren, rockaren, bluesaren eta fusioaren artean.

ASIER SERRANO: 20 URTEKO IBILBIDE LITERARIO-MUSIKALA

Apirilaren 23an, Liburuaren Nazioarteko Eguna dela-eta, Juan San Martin liburutegian, 19:00etan Asier Serrano idazle eta musikari eibartarra izango da hitzaldi musikatua eskaintzen.

Bertan Asierrek bere ibilbide artistikoa errepasatuko du: sorkuntza prozesua nolakoa zaion, esku artean duen proiektuaren ahapaldiren baten irakurketa, bizitako bidaien anekdotaren bat, eta bere kantagintzaren sekretuak biluzik utziko dituen abestiren bat eskainiko du.

EUSKARAZKO IRAKURKETA KLUBAK OPORRAK HARTU DITU UDAZKEN ARTE

Urtarrilean hasi eta apirilean bukatu da euskarazko irakurketa kluba.

Hilean behin, astearte arratsaldez, 15 lagun inguru idazlearekin berba egitera elkartu dira  Juan San Martin Udal Liburutegiak antolatutako  saioetan.

EUSKARAREN TRANSMISIOA. III MINTEGIAN IZENA EMATEKO EPEA ZABALIK

Aurreko bi urteetan bezala, aurten ere ...Eta Kitto! Euskara elkarteak Eibarko Udalaren babesarekin transmisioaren gaineko III. mintegia antolatu du.

Mintegia euskara teknikariei, irakasleei, aisialdiko begiraleei eta elkarteetako hikuntza normalizatzaileei zuzendua dago bereziki.

Izena emateko epea apirilaren 8an hasi da eta maiatzaren 3an bukatuko da. Izena emateko 943 20 09 18 telefonora deitu behar da.

Mintegia egun osoz Eibarko PORTALEA eraikinean  izango da. 

Erantsita duzue egitaraua  eta informazio osoa.

EIBARKO UDALAK UEUko IKASTAROETARAKO DIRU-LAGUNTZAK EMANGO DITU

Eibarko Udalak matrikularen %50 itzuliko die, Markeskoan UEUk eskaintzen dituen ikastaroetara joan eta %85 edo gehiagoko asistentzia duten eibartarrei.

Diru-laguntza jasotzeko eskaera PEGORAn egin behar da (Herritarren zerbitzurako bulegoa) 2013ko irailaren 30a baino lehen.

Diru-laguntza jaso ahal izateko baldintzak:

NARRASA DA EUSKARAZKO BERBARIK ZATARRENA

Eibarko udal euskaltegiak, AEK-k eta Euskara-Kultura sailak antolatutako lehiaketako emaitzen arabera NARRASA da aurkeztutako berben artean itsusiena.

Guztira 54 berba aurkeztu ditu jendeak, eta web  orri honetan jasotako botoen %22ak eman dio garaipena NARRASA berba aurkeztu duen Izaskun Bustindui eibartarrari. Hurrengo berbarik bozkatuenek botoen %8a jaso dute, eta URRUTIZKINA eta PREFOSTA berbak izan dira.

IGANDEAN "LINGUA NABAJORUM" COLISEOAN

Datorren igandean, martxoaren 10ean, Coliseoan Lingua Nabajorum antzezlana ikusteko aukera izango da, 20:30ean.

Antzele ezaguna izango dira tuala gainean: Mikel Martinez eta Patxo Telleria. Zuzendari lanetan, Jokin Oregi.

Lingua Nabajorum antzezlanean bikote zoro batek euskararen historia kontatuko du.

TRANSMISIOAREN GAINEKO III. MINTEGIA EIBARREN

Maiatzaren 7an, asteartea, egun osoko mintegia izango da Portalea eraikinean aurten ere.

Antolatzailea ...eta Kitto! Euskara elkartea da eta laguntzaile Eibarko Udala beste erakunde batzuekin batera.

Mintegia bereziki ikastetxeetako irakasleei, orientatzaileei, udaletako euskara teknikariei, euskara elkarteetako normalizatzeileei, aisialdi eta kirol taldeetako begirale eta arduradunei zuendua dago.

Aurtengoan ere, aurreko urteetan bezala, maila handiko hizlariak izango ditugu Portalean.